سپر سمیش ٹی 20 کانٹربری نے اوٹاگو کو  ہرا دیا

کراچی(اسپورٹس رپورٹر)سپر سمیش ٹی 20 کرکٹ ٹورنامنٹ میں کانٹربری نے اوٹاگو کو 8 وکٹوں سے ہرا دیا، گزشتہ روز کھیلے گئے لیگ کے 29 ویں میچ میں اوٹاگو نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 185 رنز بنائے، ڈیل فلپس 65 رنز بنا کر نمایاں رہے، ہینری شپلی نے شاندار بولنگ کا مظاہرہ کرتے ہوئے 4 وکٹیں حاصل کیں، جواب میں کانٹربری میں مطلوبہ ہدف 17.1 اوورز میں 2 وکٹوں کے نقصان پر حاصل کر لیا، ڈیرل مچل نے 68 رنز کی دھواں دار اننگز کھیلی، ٹام لیتھم 66 رنز کے ساتھ دوسرے نمایاں بیٹر رہے، واضح رہے کہ یہ کانٹربری کی ایونٹ میں ساتویں کامیابی ہے۔