کاہنہ (نامہ نگار) کاہنہ کاچھا سبزی و فروٹ منڈی پل روہی نالہ پر ٹرالر اور ویگن میں خوفناک تصادم،  6  افراد ہلاک 7 افراد زخمی،  تفصیلات کے مطابق کاہنہ کاچھا فروٹ، سبزی منڈی پل روہی نالہ پر ٹرالر بے قابو ہو کر ٹیوٹا ویگن سے جا ٹکرایا جس کے نتیجے میں 6  افراد موقع پر دم توڑ گئے۔ جن میں چار بچے  فیضان علی عمر 8 سال، صفیان علی عمر 6 سال، علی حسن عمر 9 سال، زین علی عمر 12 سال، دو خواتین رخسانہ بی بی عمر 35 سال، نجمہ بی بی عمر 45 سال شامل ہیں جبکہ 7 افراد  زخمی ہو گئے۔ تصادم اتنا خوفناک تھا کہ ویگن ایک سائیڈ سے مکمل طور پر تباہی ہوگئی۔ ریسکیو 1122کی ٹیم نے نعشوں اور شدید زخمی افراد کو ہسپتال منتقل کر دیا۔ بدقسمت ویگن رائیونڈ سے براستہ ہلوکی چونگی امرسدھو آرہی تھی۔ وزیر اعلیٰ پنجاب سردار عثمان بزدار نے قیمتی انسانی جانوں کے ضیاع پر دکھ اور افسوس کا اظہار اور جاں بحق افراد کے لواحقین سے دلی ہمدردی کا اظہار کرتے ہوئے حادثے کے بارے میں رپورٹ طلب کر لی ہے۔
کاہنہ حادثہ