لاہور ( سپورٹس رپورٹر) انگلینڈ اور جنوبی افریقہ کے درمیان تین ون ڈے میچز پر مشتمل سیریز کا آغاز 27 جنوری سے ہوگا۔میڈیا رپورٹس کے مطابق انگلینڈ کرکٹ ٹیم ان دنوں دورہ جنوبی افریقہ پر ہے جہاں وہ میزبان ٹیم کیخلاف تین ون ڈے میچوں کی سیریز کھیلے گی ، دونوں ٹیموں کے درمیان سیریز کا پہلا ون ڈے 27 جنوری کو بلوم فونٹین میں کھیلا جائے گا ۔دونوں ٹیموں کے درمیان سیریز کا دوسرا میچ 29 جنوری کو بلوم فونٹین جبکہ تیسرا اور آخری ون ڈے یکم فروری کو کمبرلی میں کھیلا جائے گا۔ون ڈے سیریز کے دوران انگلش ٹیم کی قیادت جوز بٹلر کریں گے جبکہ جنوبی افریقہ کو تیمبا بووما لیڈ کریں گے۔