لڑائی جھگڑے‘ فائرنگ کے واقعات میں 2 خواتین سمیت 4 افراد قتل

شیخوپورہ + شرقپور شریف+ قصور (نامہ نگار خصوصی+ نامہ نگار + نمائندہ نوائے وقت )مختلف واقعات میں 2 خواتین سمیت 4 افراد کو قتل کر دیا گیا۔ تفصیلات کے مطابق چار روز قبل مقتول مدثر کا ملزم شکیل سے جھگڑا ہوا تھا جس کی بناء پر اس نے گذشتہ روز گھر میں داخل ہوکر فائرنگ کرکے موت کے گھاٹ اتاردیاتھانہ سٹی مریدکے کے علاقہ دائو کے میں معمولی جھگڑے کی بناء پر نامعلوم ملزمان نے فائرنگ کرکے زوہیب کو شدید زخمی کردیا جس کی حالت تشویشناک بتائی جارہی ہے تھانہ فیروزوالہ کے علاقہ رچنا ٹائون میں ملزم سنی نے اپنی بھاوج گلناز بی بی کو کارباری لین دین کے تنازعہ پر گولیاں مار کر قتل اور اس کے بیٹے رضوان کو شدید زخمی کردیا۔ تھانہ شرقپور کے علاقہ پرانی بھینی میں لڑائی جھگڑے کے دوران میں افتخار گجر وغیرہ نے علی رضا کو فائرنگ کرکے موت کے گھاٹ اتار دیا ۔ علاوہ ازیں محلہ بکر منڈی پتوکی میں ایک گھر میں داخل ہو کر نامعلوم ملزموں نے نامعلوم وجوہات پر گھر میں موجود خاتون روبینہ بی بی کا چھری کے وار کرکے گلہ کاٹ کر بے دردی سے قتل کر دیا اطلاع ملنے پر پولیس نے موقع پر پہنچ کر نعش کو قبضہ میں لیکر تفتیش کا آغاز کر دیا۔