دولتالہ و گردونواح میں پریشرو میوزیکل ہارن لگانے پر25 گاڑیوں و موٹر سائیکلوں کے چالان 

 راولپنڈی(اپنے سٹاف رپورٹر سے)انچارج ٹریفک صدر سرکل ابرار قریشی کی زیر نگرانی ٹریفک وارڈن فدا اور ٹریفک وارڈن خاور نے دوران چیکنگ دولتالہ و گردونواح میں پریشرو میوزیکل ہارن لگانے پر25 گاڑیوں و موٹر سائیکلوں کو چالان ٹکٹ جاری کرتے ہوئے پریشر ہارن قبضہ میں لے لیے ۔اس موقع پر چیف ٹریفک آفیسر راولپنڈی تیمور خان کا کہنا تھا کہ گاڑیوں میں پریشر و میوزیکل ہارن کا استعمال شور کا باعث بنتا ہے جو کہ انسانی زندگی اور ذہین پر منفی اثرات مرتب کرتا ہے جس کیلئے باقاعدہ طور پر کاروائی کا آغاز کیا جا چکاہے اور ایسی تمام گاڑیوں و موٹرسائیکلوں سے پریشر ہارن اتروا کر انکے خلاف قانونی کاروائی عمل میں لائی جائے گی ۔