ڈرائیوروں کی ڈیوٹی پر نہ آنے کی دھمکی ریلوے کا پہیہ جام ہونے کاخدشہ

ملتان(سپیشل رپورٹر)ملک بھر میں ریلوے کا پہہ جام ہونے کا خدشہ پیدا ہو گیا ،اس حوالے سے ٹرین ڈرائیورز کا صبر جواب دے گیا ہے،تنخواہوں میں شدید تاخیر کی وجہ سے ٹرین ڈرائیورز ریلوے انتظامیہ کے رویے پر شدید نالاں دکھائی دے رہے ہیں،ٹرین ڈرائیورزکو یقین دہانی کے باوجود تنخواہوں میں تاخیر دور نہیں کی جا سکی ہے،اس حوالے سے آل پاکستان ٹرین ڈرائیورز ایسوسی ایشن نے انتظامیہ کو تحریری شکایت جمع کروا دی ہے ،ٹرین ڈرائیورز کا کہنا تھا کہ ،اگر تنخواہوں میں تاخیر ختم نا ہوئی تو 25 جنوری کو ڈیوٹی پر نہیں آسکیں گے ،دوران ڈیوٹی اخراجات کے لئے رقم تک ختم ہوچکی ہے گزارا مشکل ہوچکا ہے ۔
ریلوے کا پہیہ