شہید بینظیر آباد،آل پاکستان لا ایسوسی ایشن  کے انتخابات 

ٹھاروشاہ(بیورو رپورٹ) آل پاکستان لا ایسوسی ایشن شہید بینظیر آباد ڈویژن کے انتخابات میں منتخب عہدیداران کو سیاسی سماجی و کلاء  برادری اور طلباء کی طرف سے مبارکباد کا سلسلہ جاری۔ تفصیلات کے مطابق آل پاکستان لا ایسوسی ایشن شہید بینظیر آباد ڈویژن کے انتخابات منعقد  ہوئے جس میں کامیاب ہونیوالے امیدواروں کو مبارکباد دینے کے لئے فیصل آباد سے آل پاکستان لاء  ایسوسی ایشن کے الیکشن کمیشن آفسر  ایڈووکیٹ چوہدری اویس سندھو صاحب اور آل پاکستان لاء  ایسوسی ایشن کیسابقہ صدر ابوہریرہ خانزادہ تشریف لائیں اور ڈسٹرکٹ بار نوشہروفیروز کا دورہ کیا جہاں ڈسٹرکٹ بار کے سابقہ نائب صدر  شیر محمد اجن اور ڈسٹرکٹ بار نوشہروفیروز کے جوائنٹ سیکرٹری نعیم لوھراٹی سے ملاقات ہوئی۔ اور انہوں نے نئی منتخب ٹیم کے لئے نیک تمناؤں کا اظہار کیا اور آل پاکستان لاء ایسوسی ایشن کے ساتھ بھرپور تعاون کی یقین دہانی کروائی۔  منتخب عہدیداران  جس میں صدر شجاح الدین سہتو سینئر نائب صدر اسامہ رضا جنرل سیکریٹری غلام عباس  نائب صدر نوشہروفیروز حمید کھوکھر نائب صدر نوابشاہ  اویس نبی رند   نائب صدر سانگھڑ  شیر علی انفارمیشن سیکریٹری سرفراز سہتو فنانس سیکرٹری عجیب الرحمن  لیڈیز ونگ جنرل سیکرٹری سیدہ عروسہ اور کو آرڈینیٹر آف پریزیڈنٹ چوہدری فہیم احمد خانزادہ  منتخب ہوئے۔ وکلاء  برادری سماجی رہنماؤں اور طلباء نے منتخب عہدیداران کو مبارکباد پیش کی۔