کراچی (کامرس رپورٹر)کمانڈر بلڈرز کی جانب سے سجایا گیا سٹی پراپرٹی ایکسپو 2023کا میلا شاندار کامیابی کے ساتھ اختتام پذیر ہوگیا، اختتامی تقریب میں معروف اینکرشائستہ لودھی نے شرکت کی، عوام کی جانب سے سٹی پراپرٹی ایکسپو کی شاندار پذیرائی کی گئی۔ تفصیلات کے مطابق کمانڈر بلڈرز کی جانب سے سٹی پراپرٹی ایکسپو2023کا میلا ایکسپو سینٹرکراچی میں سجایا گیا، جو تین روز تک جاری رہنے کے بعد آج اختتام پذیر ہوگیا، پراپرٹی ایکسپو میں ہزاروں شہریوں نے شرکت کی اور کمانڈر بلڈرز کے پروجیکٹس پر اعتماد کا اظہار کیا۔ اس موقع پر میڈیا سے گفتگو کرتے ہوئے چیئرمین کمانڈربلڈرزذاکرنے کہا کہ پراپرٹی ایکسپو میں عوام کا توقع سے زائد رسپانس ملا، لوگوں نے بڑی تعداد میں پراپرٹی ایکسپو میں شرکت کی جو کہ کمانڈر بلڈرز پر عوام کے بڑھتے ہوئے اعتماد کا مظہر ہے۔انہوں نے کہا کہ آج ڈسکاﺅنٹ کا آخری دن ہے ، لوگ آئیں اور اس آفر سے فائدہ اٹھائیں، اس سے سستا پروجیکٹ کوئی نہیں ملے گا۔ پراپرٹی ایکسپو کے آخری روز معروف اداکارہ عائشہ عمر اور شائستہ لودھی نے بھی وزٹ کیا۔ پراپرٹی ایکسپو میں لوگوں کی بڑی تعداد فیملی کے ہمراہ شریک ہوئی اور بڑی تعداد میں پلاٹس کی بکنگ بھی کرائی، نمائش کے تینوں روز بکنگ کاﺅنٹر پرعوام کا رش لگا رہا۔کمانڈر بلڈرز کی جانب سے لوگوں کو کمانڈر سٹی کا وزٹ کرانے کے لیے شٹل سروس کا بھی انتظام کیا گیا تھا۔ ڈپٹی چیئر پرسن مسز کمانڈر ذاکراورسی ای اوعروبہ تاثر موجود تھیں ۔