ذرائع کے مطابق وزیر اعلیٰ آفس میں کھانوں اور دعوتوں کو روک دیا گیا ہے، وزیر اعلیٰ آفس میں دوپہر کے کھانوں پر پابندی لگا دی گئی، وزیر اعلیٰ آفس آمد پر مہمانوں کو چائے اور بسکٹ پیش کیے جائیں گے۔ وزیر اعلیٰ محسن نقوی نے اپنے لئے کھانا اور چائے گھر سے منگوانے کی نئی روایت قائم کر دی، نگران وزیراعلیٰ نے وزیراعلیٰ آفس میں افسران کو کفایت شعاری اختیار کرنے کی ہدایت کر دی ہے۔ مزید برآں نگران وزیراعلیٰ محسن نقوی ذاتی اور اپنے سٹاف کے اخراجات بھی خود برداشت کریں گے، جبکہ وزیراعلیٰ آفس کے اخراجات کو بھی خاطر خواہ کم کیا جائے گا۔