الیکشن نتائج: ریٹرننگ افسروں کو ای ایم ایس کی تجرباتی مشق 26 جنوری کو کرنے کی ہدایت

اسلام آباد (وقائع نگار) الیکشن کمشن نے ای ایم ایس کی تجرباتی مشق سے متعلق چاروں صوبائی الیکشن کمشنرز کو مراسلہ بھیجا ہے۔ مراسلہ تجرباتی مشق کیلئے تمام ریٹرننگ افسروں کو بھجوایا گیا۔ ریٹرنننگ افسروں کو رزلٹ کی تیاری کیلئے تجرباتی مشق کرنے کی ہدایت کی۔ ای ایم ایس کی پیشگی مشق 26 جنوری کو کرنے کی ہدایت کی۔ رزلٹ کی تیاری کیلئے مشق ریٹرننگ افسران کے دفاتر میں کرنے کی ہدایت کی۔ افسر 25 جنوری تک پولنگ سٹیشنز کا میپ بھجوائیں گے۔ پریزائیڈنگ افسر فارم 45 پر نتائج 26 جنوری کو شام 5 بجے بھیجیں گے۔ فارم 45 کے اندراج کے بعد ریٹرننگ افسر فارم 4-7 تیار کر کے الیکشن کمشن کو بھیجے گا۔ چھبیس جنوری شام 5 بجے سے ای ایم ایس آپریٹر ڈیٹا کا اندراج شروع کر دے گا۔