گوجرانوالہ(نمائندہ خصوصی )مسلم لیگ ن کے سٹی نائب صدر امیدوار پی پی 60 معظم رئوف مغل نے کہا ہے کہ میاں نواز شریف عوام کے دلوں کی دھڑکن ہیں، مسلم لیگ ن کی انتخابی مہم میں عوام کاجوش وخروش اور شمولیت قابل تحسین ہے، مسلم لیگ ن 8فروری کو پورے ملک سے بے مثا ل کامیابی حاصل کرے گی، ان خیالا ت کا اظہار انہوں نے لوہیانوالہ میں (ن) لیگی رہنمائوں عتیق الرحمن کھوکھر،نعمان سلیم کھوکھر اور دیگر کے ساتھ ملاقات میں گفتگو کرتے ہوئے کیا، انہوں نے کہا کہ میاں نواز شریف کی قیاد ت میں ملک نے بے شمارترقی کی اور ملک کے طول وعرض میں تر قیاتی کاموں کاجال بچھایا گیا ن لیگ کے ہر دور میں عوام کے لئے روزگار کے موقع پیدا کئے گئے صحت تعلیم اور انفراسٹرکچر کے میدان میں ریکارڈ کام ہوا، 8فرور ی کے الیکشن میں عوام خدمت اور ترقی کی بنیاد پر مسلم لیگ ن کو بھاری اکثریت سے کامیاب کرائیں گے۔