گوجرانوالہ:کارنرمیٹنگ میں اہم شخصیات کاپیپلزپارٹی امیدواروں کی حمایت کا اعلان 

گوجرانوالہ) نمائندہ خصوصی)منڈیالہ وڑائچ میں بٹ و وڑائچ برادری کی سرکردہ شخصیات نے پاکستان پیپلزپارٹی کے امیدواران کی حمایت کا اعلان کردیا اس سلسلے میں پیپلزپارٹی کے رکن سید مراتب علی شاہ کی رہائشگاہ پر کارنر میٹنگ کا انعقاد کیا گیا، جس میں امیدواران این اے77سابق وفاقی وزیر چوہدری امتیاز صفدر وڑائچ ،امیدوار پی پی 59میاں سعود حسن ڈار ،سابق ایم این اے نائب صدر وسطی پنجاب میاں اظہر حسن ڈار، سٹی صدر میاں ودود حسن ڈار ،ڈویژنل نائب صدر میاں سعید احمد ودیگر شریک تھے ، اس موقع پر قیصر بٹ ،عتیق بٹ، طاہر بٹ، کالو بٹ اور حفیظ اللہ وڑائچ نمبردار نے پیپلزپارٹی کے امیدواران کی حمایت کا اعلان کیا، مقررین امتیاز صفدر وڑائچ ،میاں سعود حسن ڈار میاں اظہر حسن ڈار، میاں ودود حسن ڈار نے خطاب کرتے ہوئے کہا کہ پیپلزپارٹی کا دس نکاتی ایجنڈا عوامی فلاح ملکی خوشحالی کا ضامن منشور ہے۔