48ویں نیشنل سنوکر چیمپئن شپ  اسجد اقبال نے جیت لی

لاہور(سپورٹس رپورٹر) اسجد اقبال نے این بی پی 48ویں نیشنل سنوکرچیمپئن شپ جیت لی۔ فائنل میں 6گھنٹے کے مقابلے کے بعد پنجاب کے اویس منیر اللہ کو 7-6سے شکست ہو گئی۔نیشنل بینک کے قائمقام صدر عبدالواحد سیٹھی نے اختتامی تقریب میں نیشنل اسنوکر چیمپئن شپ کے فاتح اسجد اقبال کو ٹرافی اور دو لاکھ روپے کی انعامی رقم پیش کی،رنر اپ اویس اللہ منیرکو ایک لاکھ روپے جبکہ چیمپئن شپ میں 142کا بریک کھیلنے پر بابر مسیح کو25ہزار روپے کی انعامی رقم دی ۔اسجد اقبال کی جیت کا سکور5-80،99-14 ،64-45،64- 08،18-69، 42 -64 ، 55 -   75،42- 55 ،67-00،71-21، 77-18،48-92اور55-40رہا۔