راولپنڈی(سٹاف رپورٹر )معروف سیاسی و سماجی شخصیت شیخ وامق نے کہا ہے کہ ن لیگ جیت کر مخالفین کو سرپرائز دے گی ملک کی ترقی اور خوشحالی کے لیے عوام عام انتخابات میں شیر کے نشان پر مہر لگائیں. مسلم لیگ ن نے دہشت گردی کو شکست دے کر امن قائم کیا سابق وزیراعظم نواز شریف ملک میں سیاست کرنے نہیں بلکہ عوامی خدمت کے لیے ائے ہیں. ان خیالات کا اظہار انہوں نے اپنے ایک بیان میں کیا شیخ وامق نے کہا کہ عوام 8 فروری کو مسلم لیگ ن کو ووٹ دیں.
 انہوں نے کہا کہ مسلم لیگ ن نے ملک میں سب سے زیادہ ترقیاتی منصوبوں کو پایہ تکمیل تک پہنچایا ہے. 8 فروری کا سورج نواز شریف کی جیت کا پیغام لے کر طلوع ہوگا. مسلم لیگ ن اقتدار میں ا کر عوام کو حقیقی معنوں میں ریلیف فراہم کرے گی.