چیمپیئنز لیگ ٹی 20 کا میدان ستمبرمیں سجے گا‘ مصباح الحق کی قیادت میں فیصل آباد وولفزپاکستان کی نمائندگی کرے گی

حیدرآباد دکن(سپورٹس ڈیسک) چیمپیئنزلیگ ٹی ٹوئنٹی کے مقابلے سترہ ستمبر سے شروع ہوں گے۔ مصباح الحق کی قیادت میں فیصل آباد وولفزپاکستان کی نمائندگی کرے گی۔ ٹورنامنٹ کوالیفائنگ راونڈ کے تمام میچز17 ستمبر سے حیدرآباد دکن میں ہوں گے۔ فیصل آباد وولفز، اوٹاگو، وولٹس، سن رازرز حیدرآباد اور سری لنکا کی قومی ٹی ٹونٹی چیمپئن ٹیم ایونٹ میں حصہ لے گی جس کا اب تک فیصلہ نہیں ہوا ہے۔ کوالیفائنگ راونڈ سے دو بہترین ٹیمیں لیگ کے مین راونڈ میں کوالیفائی کریں گی۔ ٹورنامنٹ کا مین راونڈ کا افتتاحی میچ21 ستمبر کو جے پور میں ممبئی انڈینز اور راجستھان رائلز کے درمیان کھیلا جائے گا۔ گروپ اے میں ممبئی انڈینز‘راجھستان رائلز‘لائنز‘پرتھ سکارچرز اور کوالیفائر ون جبکہ گروپ بی میں چنائی سپر کنگز‘برسبین ہیٹ‘ٹائٹنز‘ٹرینیڈاڈ اینڈ ٹوباگواور کوالیفائر ٹو شامل ہیں۔