اورنگ آباد (اے پی پی) بہار کے اورنگ آباد ضلع کے سما تھانہ علاقہ میں ماؤ نواز علیحدگی پسندوں نے ایک سولر پلانٹ پر حملہ کرکے کئی گاڑیوں کو آگ لگادی۔
پولیس نے بتایا کہ ممنوعہ مارکسی کمیونسٹ پارٹی (ماؤنواز) کے تقریبا 35-40 مسلح انتہاپسندوں نے بسکی گاوں میں واقع الفا سولر پلانٹ پر دیر رات حملہ کردیا۔ اس کے بعد ماؤ نواز علیحدگی پسندوں نے وہاں موجود مزدوروں اور ملازمین کو مار پیٹ کر بھگا دیا اور احاطے میں کھڑے8 ٹریکٹر،2 جے سی بی مشین اور ایک مکسر مشین کو آگ لگادی۔