لاہور: علامہ اقبال انٹرنیشنل ائیرپورٹ پر طیاروں کی کمی ‘8 پروازیں منسوخ ، متعدد تاخےرکا شکار

لاہور (آن لائن) علامہ اقبال انٹرنیشنل ائیرپورٹ پر طیاروں کی کمی اور فنی خرابیوں کے باعث پروازوں کا شیڈول بری طرح متاثر ہوا ہے۔ گزشتہ روز 8 پروازیں منسوخ کردی گئیں جبکہ متعدد پروازیں تاخیر کا شکار ہوگئیں جن کے باعث مسافروں کو شدید پریشانی کا سامنا کرنا ڑا۔ ائیربلیو کی لاہور سے ابوظہبی جانے اور واپس آنے والی 431,430پروازیں منسوخ کردی گئیں۔ ائیربلیو کی ہی لاہورسے مدینہ جانے والی477,476پروازوں کوبھی منسوخ کردیا گیا۔ شاہین ا ئیر لائنز کی کوالالمپور جانے اور آنے والی872اور873پروازوں کو منسوخی کا منہ دیکھنا پڑا جبکہ پی آئی اے کی لاہور سے ملتان جانے او آنے والی پروازیں بھی منسوخ کردی گئیں۔