قائدمتحدہ جیسے فرعون کے سامنے کھڑے ہیں: مصطفی کمال، کارکن کے قتل پر لندن میں احتجاج

کراچی (نوائے وقت رپورٹ) پاک سرزمین پارٹی کے انتخابی نشان کی تقریب رونمائی ہوئی۔ سربراہ مصطفی کمال نے تقریب سے خطاب کرتے ہوئے کہا کہ پاک سرزمین پارٹی نے ایک رات میں شہرت حاصل نہیں کی۔ ایک ایک فرد کے آنے سے قافلہ بنا، ہم پر جھوٹے الزامات لگانے والوں کو اللہ تعالیٰ نے رسوا کیا۔ ہمارا سب سے بڑا ہتھیار صبر ہے گولیوں سے نہیں، صبر سے ان کو نیست و نابود کریں گے۔ ہماری جماعت نشیب و فراز سے گزرتی ہوئی یہاں تک پہنچی۔ ہمیں دنیاوی نہیں اپنے رب کی مدد چاہئے۔ ہم متحدہ جیسے فرعون کے سامنے کھڑے ہیں۔ گولیاں اور بم رکھنے والوں کو اللہ تعالیٰ مار دیتا ہے ہمارے کارکن کو کھالیں جمع کرتے ہوئے نہیں پانی مانگتے ہوئے شہید کیا گیا۔کراچی میں اپنے کارکنوں کے قتل پر پاک سرزمین پارٹی نے لندن میں بانی ایم کیو ایم الطاف حسین کی رہائش گاہ کے باہر احتجاج کیا۔ نعرے بازی کی۔