کراچی (کرائم رپورٹر) گلستان جوہر کے علاقے بھٹائی آباد میں شوہر نے بیوی کو گلا کاٹ کر قتل کردیا۔ سٹارگیٹ عمارت کی لفٹ سے ایک شخص کی لاش برآمد جب کہ فائرنگ کے واقعات میں دو افراد زخمی ہوگئے۔ گلستان جوہر کے علاقے بھٹائی آباد میں قتل کی واردات اتوار کی شام کو ہوئی پولیس کا کہنا ہے کہ شوہر نے گھریلو جھگڑے کے دوران بیوی کو گلا کاٹ کر قتل کیا ہے جسے گرفتار کرلیا گیاہے۔ ادھر سٹارگیٹ کے علاقے میں عمارت کی لفٹ سے ایک شخص کی لاش ملی جس کی شناخت 60سالہ اعظم کے نام سے ہوئی اور پولیس ہلاکت کی وجہ جاننے کے لئے تفتیش کررہی ہے۔ اتحاد ٹائون میں نامعلوم افراد نے 22 سالہ امیر کو فائرنگ کرکے زخمی کردیا جب کہ گلبہار میں نامعلوم افراد کی فائرنگ سے 28 سالہ طاہر زخمی ہوگیا۔