نشتر کالونی، ستوکتلہ : گھریلو جھگڑوں پر 50 سالہ شخص سمیت دو افراد کی خودکشی

لاہور، قصور، تاندلیانوالہ (نامہ نگار+ نمائندگان) مختلف واقعات میں 4 افراد نے خودکشی کرلی۔ نشتر کالونی میں 50سالہ شفیع نجی بینک میں ملازم تھا۔ گزشتہ روز اس نے نامعلوم وجوہات پرزہریلی گولیاں کھالیں۔ورثاکی جانب سے پوسٹ مارٹم اور کسی کارروائی سے انکار پر پولیس نے نعش لواحقین کے حوالے کردی ہے۔ستوکتلہ کے علاقہ پی آئی اے سوسائٹی میں 24سالہ راشدایک ورکشاپ میں کام کرتا تھا ۔اس نے گزشہ روز گھریلو حالات سے دلبرداشتہ ہو کر گھر میں موجود تیزاب پی لیا۔ پولیس نے ضروری کارروائی کے بعد نعش ورثاء کے حوالے کردی ۔ قصور کے وارڈ نمبر 2 الٰہ آباد میں 15 سالہ عدنان یوسف کا اپنے گھروالوں کے ساتھ جھگڑا ہو گیا جس پر اس نے طیش میں آکر گندم میں رکھنے والی زہریلی گولیاں نگل لیں ۔ تاندلیانوالہ میں 22سالہ اشفاق نے گائوں کے گندے تالاب میں ڈوب کر خود کشی کر لی۔