پاکستانی قونصلر مانچسٹر کی جانب سے قوالی ڈنر کی شاندار تقریب

مانچسٹر (نمائندہ خصوصی) آج پاکستانی قونصلر جنرل کی جانب سے مقامی ہال میں تقریب ہوئی جس میں پاکستانی کلچر کو اجاگر کیا گیا۔ قوالیاں پیش کی گئیں، ڈنر کا اہتمام کیا گیا۔ پچھلے دنوں آموں کا میلہ ہوا اب یہ پروگرام۔ ان سب کا سہرا قونصلر جنرل عامر آفتاب قریشی اور کمرشل اتاشی شعیب ظفر اور ان کی معاونت ویلفیئر اتاشی فضہ نیازی کمرشل آفیسر افشین حق کے سر جاتا ہے۔ عامر آفتاب نے کہا اوورسیز پاکستانیوں کے لئے ایسی تقاریب کا اہتمام کرتے رہیں گے اوورسیز پاکستانیوں کی خدمت ہی ہمارا مشن ہے۔ کمرشل اتاشی شعیب ظفر نے کہا اوورسیز پاکستانیوں کو دنیا بھر میں پاکستان کا مثبت چہرہ بنانے کی کوشش کرنی چاہئے اور بیرون ملک پاکستانیوں کو پاکستان میں سرمایہ کاری کرنا چاہئے۔ ………… وزیر افضل خان نے کہا کہ ایسی تقریب کا مقصد لوگوں کو دیارغیر میںاکٹھے ہونے کا موقع مل جاتا ہے اور ملک کی عزت ہوتی ہے۔ ڈپٹی میئر عابد چوہان نے قونصل خانہ کا شکریہ ادا کیا کہ وہ پاکستان کے امیج کو ایسی تقریب سے اجاگر کرتے ہیں۔ منیر جاوید، اقبال بھٹی، زمان، واجدخان، بیرسٹرامجد ملک ودیگر موجود تھے۔