اسلام آباد(صباح نیوز) الیکشن کمشن نے خواتین عملے کو 24 جولائی کی رات پولنگ سٹیشن پر گزارنے سے منع کردیا ہے۔ الیکشن کمشن نے قبل ازیں ہدایت جاری کی تھیں کہ خواتین عملہ بھی 24 جولائی کی رات پولنگ سٹیشن پر گزارے گا۔ الیکٹرانک اور سوشل میڈیا پر معاملہ اٹھائے جانے کے بعد ای سی پی کی جانب سے نیا ہدایت نامہ جاری کیا گیا ہے۔ الیکشن کمشن نے کہا ہے کہ خواتین پریذائیڈنگ افسران اور دیگر خواتین عملے کا پولنگ سٹیشن پر رات رکنا لازمی نہیں ہے۔ خواتین کو زبردستی روکنے کی شکایت پرکارروائی کی جائے گی۔خواتین عملے کو پابند کیا گیا ہے کہ 25 جولائی کی صبح چھ بجے تک پولنگ سٹیشن پر پہنچ جائیں۔