لاہور(کلچرل رپورٹر(اجوکا تھیٹر کے زیر اہتمام تھیٹر، ٹی وی اورفلم انڈسٹری کا حصہ بننے کی جستجومیں مصروف نوجوان فنکاروں کی تربیت کیلئے لاہور میں پانچ روزہ ایکٹنگ ورکشاپ کا انعقاد کیا گیاجس کے آخری روز نوجوان فنکاروں نے سماجی موضوعات پر مختصر دورانئے کی پروڈکشنز پیش کرکے شرکا ء کی داد سمیٹی۔ معروف فنکار او رٹرینر نروان ندیم کی زیر قیادت ہونے والی ورکشاپ میں لاہور، اسلام آباد اور فیصل آباد کے تعلیمی اداروں سے وابستہ ان نوجوان طلبا کی بڑی تعداد نے شرکت کی اور اجوکا تھیٹر کے ایگزیکٹو ڈائریکٹرشاہدمحمودندیم کے علاوہ معروف فنکارہ سویرا ندیم اور فریال علی گوہر کے لیکچرز سے بھی بھرپور استفادہ کیا ۔