لاہور(سپورٹس رپورٹر) بحرین میں کھیلی جا رہی 19ایشین جونیئر والی بال چیمپئن شپ کے پہلے میچ میں چائینیز تائی پائی کی ٹیم نے ٹیم پاکستان کو تین ایک سے شکست دے کر کامیابی اپنے نام کر لی۔ گروپ سی جس میں پاکستان کے علاوہ چائینز تائی پائی اور سعودی عرب کی ٹیمیں شامل ہیں، کے پہلے گروپ میچ میں چائینیز تائی پائی کی ٹیم نے پاکستان کی ٹیم کوتین ایک کے سکور سے شکست دے دی۔چائینیز تائی پائی کی ٹیم کا پاکستان کے خلاف سکور 17-25 ,15-25 ,25-14, 18-25رہا۔قومی جوئیر والی بال ٹیم اپنا دوسرا میچ کل سعودی عرب کے خلاف کھیلے گی۔اکیس سے اٹھائیس جولائی تک بحرین میں ہونے والی انیسویں ایشین جونئیر والی بال چیمپئن شپ میں پاکستان کی قومی جونیئر ٹیم کپتان علی عمر۔محمد عثمان۔عثمان خان، ولیدخان، آفاق خان، زرناب خان، مظہر علی، ثاقب خان، عبداللہ، اسحاق خان، مراد خان اور مصطفی پر مشتمل ہے جبکہ ٹیم کے ہمراہ بطور منیجر فاقر اعوان، قومی سینئر والی بال کے ہیڈ کوچ (ایران)حامد مواہدیاور اسسٹنٹ کرچز محمد اکرام اور خالد وقار بھی بحرین میں موجود ہیں