چیچہ وطنی، ڈسکہ، جڑانوالہ، حجرہ شاہ مقیم، ماموں کانجن، قصور، گوجرانوالہ، فیروزوالہ (نامہ نگار، نمائندہ خصوصی، نمائندہ نوائے وقت) مختلف واقعات میں دو بہنوں، طالبہ سمیت 6 خواتین اور 4 لڑکوں سے زیادتی کی گئی، تفصیلات کے مطابق 12افراد نے خاتون اور اس کی نوجوان بہن کو ڈنڈوں سوٹوں سے مضروب کر کے دونوں سے زیادتی کر ڈالی۔ نواحی علاقہ محلہ درویش پورہ کی رہائشی مریم بی بی کی درخواست پر پولیس تھانہ سٹی نے اشرف سمیت 12افراد کے خلاف مقدمہ درج کرلیا۔ مزید برآں دو مختلف واقعات میں چھ اوباش نوجوانوں کی دو نوجوانوں کیساتھ زیادتی موبائل پر ویڈیو بھی بنالی۔ تھانہ بمبانوالہ کے علاقہ گوئند تھانہ صدر کے علاقہ گلوٹیاں خورد میں 14سالہ لڑکے سے زیادتی کی گئی ایک اور واقعہ میں تھانہ کھرڑیانوالہ کے نواحی گائوں چک نمبر 210 ر ب لکھوآنہ میں ناصر نے گھر میں اکیلی دیکھ کر اس بچی سے زیادتی کر ڈالی۔ علاوہ ازیں حجرہ کے نواحی گائوں میں اوباش نے دس سالہ بچے کو اوباش مظہر عباس نے زبردستی زیادتی کا نشانہ بنا ڈالا۔ چونگی نمبر 5کی رہائشی خاتون فیضاں زوجہ خوشنود علی پڈھیار نے تھانہ میں درخواست دی کہ اوباش عبدالرحمان نے اسکے آٹھ سالہ بیٹے ارسلان محمود کو زیادتی کا نشانہ بنا ڈالا پولیس نے معاملہ کی انکوائری شروع کر دی۔ گوجرانوالہ میں اوباش نے نویں کلاس کی طالبہ کو مبینہ طور پر زیادتی کا نشانہ بنایا ایس ایچ او عنصر موہل کاکہنا تھا کہ ملزم کو گرفتار کر لیا گیا ہے قصور میں کھارا گوں کے قریب لفٹ ایک خاتون سے زیادتی، متاثرہ خاتون کی درخواست پر پولیس نے کارروائی شروع کر دی ہے فیروز والہ کے نواحی قصبہ کوٹ پنڈی داس میں شادی کا جھانسہ دیکر محمد عمر نے والدہ سے ملانے کے بہانے گھربلایا اور ساتھی مدد سے لڑکی کو زیادتی کا نشانہ بنایا کوٹ عبدالمالک میں اوباش حامد نے اپنے ہمسائے کی نو عمر لڑکی کے ساتھ زیادتی کی کوشش کی مقدمات درج کر لئے گئے ہیں۔