لاہور(سپورٹس رپورٹر)ورلڈ کپ کے بعد قومی ٹیم میں متوقع تبدیلیوں کیلئے بورڈ حکام نے مشاورت شروع کردی۔چیئرمین پی سی بی احسان مانی اورایم ڈی وسیم خان کی برطانیہ سے واپسی کے بعد پاکستان کرکٹ میں متوقع تبدیلیوں کے حوالے سے مشاورت جاری ہے۔ہیڈ کوچ مکی آرتھر کی بھی جلد پاکستان آمد متوقع ہے اورکرکٹ کمیٹی کیسامنے پیش ہوں گے،چیف سلیکٹرانضمام الحق اورکپتان سرفرازاحمدکوبھی اجلاس میں طلب کئے جانے کا امکان ہے۔ذرائع کے مطابق کرکٹ کمیٹی کا اجلاس آئندہ ہفتے متوقع ہے، اجلاس میں ورلڈ کپ کے حوالے سے مینجراور ہیڈ کوچ کی رپورٹس کا جائزہ لیا جائے گا۔کمیٹی قومی ٹیم اور مینجمنٹ میں تبدیلیوں کی سفارشات تیارکرکے چیئرمین کو بھجوائے گی ۔