راشد لطیف پی سی بی کے کراچی انڈر19 تربیتی کیمپ پہنچ گئے

کراچی(سپورٹس رپورٹر) سابق کپتان راشد لطیف پی سی بی کے تحت جاری کراچی انڈر19 تربیتی کیمپ میں پہنچ گئے، انہوں نے نیشنل سٹیڈیم کے حنیف محمد ہائی پرفارمنس سینٹرپر کھلاڑیوں کو کرکٹ کے رموز سے آگاہی فراہم کی اور میچ کے دوران کھیل کی حکمت عملی کے موضوع پر تفصیلی لیکچر دیا،راشد لطیف نے کیمپ کے شرکا کے مختلف سوالات کے مفصل جوابات بھی دیئے، اس موقعہ کراچی وائٹس کے کوچ محمد مسروراورکراچی بلوز کے کوچ عاصم رضوی بھی موجود تھے۔