15سالہ حشام ہادی خان قومی سکریبل چیمپئن بن گئے

کراچی (سپورٹس رپورٹر) پندرہ سالہ حشام ہادی خان قومی اسکریبل چیمپیئن بن گئے۔ ستائیس میں سے اکیس میچز جیت کر برتری ثابت کردی۔ آئی بی اے مین کیمپس کراچی یونیورسٹی میں ہونے والی تین روزہ اکتیسویں قومی اسکریبل چیمپیئن شپ کے دوران حشام ہادی خان نے تینوں دن ٹاپ پوزیشن برقراررکھی، پندرہ سالہ حشام ہادی نے ستائیس میں سے اکیس میچز جیتے اور 1556 کے سپریڈ سکورکے ساتھ پہلی بار قومی چیمپئن بن گئے۔ سات مرتبہ کے قومی چیمپئن اور پاکستان نمبر ون وسیم کھتری نے دوسری ‘ دانیال ثناء اللہ نے تیسری‘ محمد انشال نے چوتھی پوزیشن حاصل کی۔ حشام ہادی کے جڑواں بھائیوں حسان ہادی خان اورحماد ہادی خان بالترتیب پانچویں اور چھٹے نمبر پر رہے۔ دفاعی چیمپیئن اور 2016 کے جونئیر ورلڈ چیمپئن معیذ اللہ بیگ آٹھویں پوزیشن پررہے۔