کراچی (نوائے وقت رپورٹ) سندھ اسمبلی نے اپوزیشن کی شدید ہنگامہ آرائی کے دوران چار بل منظور کر لئے۔ اپوزیشن نے شدید احتجاج اور نعرے بازی کی تاہم حکومتی ارکان نے بل اکثریت رائے سے منظور کر لئے۔ حکومت نے جو بل منظوری کئے ان میں سندھ بورڈ آف ٹیکنیکل ایجوکیشن اینڈ انٹرمیڈٹ اینڈ سیکنڈری ایجوکیشن ترمیمی بل 2020ئ‘ ایجوکیشن سٹی ترمیم بل 2020ء ضیاء الدین میڈیکل یونیورسٹی ترمیمی بل 2020ء اور این ای ڈی یونیورسٹی آف انجینئرنگ اینڈ ٹیکنالوجی کراچی ترمیمی بل 2020ء شامل ہیں۔