پاکستان کوویسٹ انڈیز کی بیٹنگ کی تباہی سے سبق سیکھنا چاہئے: رمیز راجہ

ملتان (سپورٹس ڈیسک)قومی کرکٹ ٹیم کے سابق کپتان رمیز راجہ نے کہا ہے کہ پاکستان کو انگلینڈ کے خلاف دوسرے ٹیسٹ میں ویسٹ انڈیز کی بیٹنگ کی تباہی سے سبق سیکھنا چاہئے اور اسی کے مطابق انگلینڈ کے خلاف آنے والی سیریز کے لئے منصوبہ بندی کرنا چاہئے۔ انگلینڈ کے خلاف پاکستان کے بلے بازوں کو اپنی اننگز بنانے کا فن سیکھنا پڑے گا۔صرف نصف سنچریاں سکور کرنا کافی نہیں ہوگا۔ یہاں تک کہ اگر تین بلے باز نصف سنچری بناتے ہیں تو یہ کام نہیں کرے گا ۔کیونکہ اس سے جیت یقینی نہیں ہوگی جو بھی بلے باز پچاس رنز بنائے گا تو انہیں اسے سو میں تبدیل کرنا پڑے گا۔ رمیز راجہ نے کہا کہ انگلینڈ کے پاس مضبوط باولنگ لائن اپ ہے جس نے دوسرے ٹیسٹ میں شارٹ پچ گیندوں کو استعمال کر کے ویسٹ انڈیز کی بیٹنگ لائن کو تباہ کر دیا۔