کراچی ( کامرس ڈیسک) ای ایف یو لائف اشورنس لمیٹیڈ مُلک کے نجی شعبے میں بیمہ حیات فراہم کرنے والی ممتاز کمپنی کو، ساتویں انٹرنیشنل سمِٹ اور اینوائیرنمنٹ، ہیلتھ اینڈ سیفٹی ایوارڈز (ماحولیات، صحت اور تحفظ ایوارڈ) کی تقریب میں، جس کا اہتمام پروفیشنلز نیٹ ورک اینڈ ایتھیکل بزنس اپ ڈیٹ (ای بی یو) کی جانب سے کیا گیا تھا، '' صحت کی دیکھ بھال میں تعاون کرنے والے ادارے'' کے زمرے میں ’’بین الاقوامی ماحولیات، صحت اور تحفظ ایوارڈ‘‘ سے نوازا گیا۔ ایولین ڈی ابروگینا، ہیڈ ،سی ایس آر ، ای ایف یو لائف اشورنس لمیٹیڈ، نے کمپنی کی جانب سے یہ ایوارڈ وصول کیا۔ یہ ایوارڈ صحت کے شعبے میں کمپنی کی کوششوں کا، اور ماحول کے تحفّظ کی جانب اس کے کردار کا اعتراف ہے۔ ای ایف یو لائف صحت کی دیکھ بھال، تعلیم اور ماحول کے مقاصد کو آگے بڑھانے کے لئے اور ان میں اپنا حصہ پیش کرنے کے لئے سب سے آگے ہے اور اس معاشرے کے ساتھ، جس میں وہ اپنے فرائض انجام دیتی ہے، ایک مثبت تعلق استوار کرنے میں ایک کلیدی کردار ادا کرنے پر یقین رکھتی ہے۔ ای ایف یو لائف نے کئی مشہور غیر سرکاری تنظیموں سے ایک بہتر اور خوشحال پاکستان کے لئے ہاتھ سے ہاتھ ملایا ہے۔