عید پربھی ڈاکوئوں کی لوٹ مار،لاہوریئے 77 لاکھ نقدی، قیمتی اشیا سے محروم 

لاہور(نامہ نگار) لاہور کے مختلف علاقوں میںعید،ٹرو اور مرو کے روزڈاکوئوںاور چوروںنے وارداتوں کے دوران متعدد شہریوں سے 77لاکھ روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیاہے ۔ تفصیلات کے مطابق ڈاکوؤں نے  گلبرگ کے علاقے میں اکرم اور اس کی فیملی سے 7 لاکھ روپے مالیت ، نواب ٹاؤن میں عمران کے گھر گھس کراہلخانہ کو گن پوائنٹ پر یرغمال بنا کرسے 6لاکھ روپے مالیت ، گارڈن ٹاؤن میں اویس کی فیملی سے 6 لاکھ روپے مالیت کی نقدی،جوہر ٹاؤن میں نبیل کے گھر سے 5لاکھ روپے مالیت،گلبرگ میں ارسلان کی فیملی سے 5لاکھ روپے مالیت ، سمن آباد میں زبیر کے گھر سے 5 لاکھ روپے مالیت، کوٹ لکھپت میں نعیم کی فیملی سے 5لاکھ روپے مالیت، فیکٹری ایریا میں عبداللہ کے گھر سے 4لاکھ روپے مالیت ، وحدت کالونی میں اشفاق کے گھر سے 4 لاکھ روپے مالیت ، شاہدرہ ٹاؤن میں کاشف کے گھر سے 4 لاکھ روپے مالیت ، راوی روڈ میں عرفان کی فیملی سے 4 لاکھ روپے مالیت،پرانی انارکلی میں فدا کی فیملی سے 3 لاکھ روپے مالیت، غالب مارکیٹ میں احسن کے گھر سے 2لاکھ روپے مالیتلاکھوں روپے مالیت کی نقدی، طلائی زیورات،موبائل فون اور دیگر سامان لوٹ لیاہے۔ڈاکوؤں نے رائے ونڈ سٹی میں رشید سے گن پوائنٹ پر 7 لاکھ 99 ہزارروپے،جوہرٹاؤن میںفارمیسی سے3 لاکھ روپے مالیت کی نقدی اورموبائل کارڈز، اسلام پورہ چوہان پارک چوک میں طارق کی موبائل شاپ سے ڈھائی لاکھ روپے،بادامی باغ کے علاقے عامر روڈپر محسن سے 2لاکھ روپے اور موبائل فون، سبزہ زارمیںوجاہت سے 50 ہزارروپے اورموبائل فون،گرین ٹاؤن کے علاقے چاندی چوک میں محمود سے 50 ہزارروپے اورموبائل فون لوٹ لیا ہے ۔چوروں نے مصطفی ٹاؤن  کے علاقے کینال ویو  سوسائٹی کے رہائشی سعید رشید کے گھرسے54 لاکھ روپے مالیت کی نقدی، طلائی زیورات اور دیگر سامان  چوری کر لیا ہے ۔چوروں نے جنوبی چھاؤنی،ڈیفنس،لاری اڈہ،باٹا پور،چوہنگ،باغبانپورہ اور شفیق آباد کے علاقوں سے7گاڑیاں جبکہ داتا دربار،ٹاؤن شپ،نصیرآباد، بادامی باغ، لوئر مال، شیراکوٹ، ساندہ، مانگا منڈی،مصطفی آباد، ٹبی سٹی،ملت پارک ،شفیق آباداور ڈیفنس کے علاقوں سے 14 موٹر سائیکلیں چوری کرلیں اور فرار ہو گئے ہیں۔