فیروزوالہ (نامہ نگار)خاتون سمیت 3افراد کو قتل کر دیا گیا ۔برج اٹاری میں زمیندارنے ساتھی کی مدد سے فائرنگ کرکے اپنے یتیم ملازم نوجوان محمدنوازکوہلاک کردیااور فرارہوگئے ۔چندروزقبل زمینداراعجازعرف ججی نے علاقہ کے شہری سے ٹیوب ویل کاپانی دینے کیلئے پچاس ہزارروپے لئے۔ شہری نے زمینداراعجازسے کہا زمین سیرا ب کرنے کیلئے پانی نہیں دیا جس پر تلخ کلامی ہوگئی۔ اعجازعرف ججی نے کہا کہ تم نے مجھے رقم نہیں دی‘ ملازم محمدنوازنے کہا کہ آپ نے میری موجودگی میں اس سے رقم لی ہے جس پر اعجازعرف ججی نے مشتعل ہوکرپسٹل کے آہنی بٹ مارکرنوازکولہولہان کردیاجسے ہسپتال لایاگیا جہاں وہ زیرعلاج رہنے کے بعد دم توڑگیا۔فیکٹری ایریاپولیس نے مقتول کی والدہ ثریابی بی کی رپورٹ پرزمینداراعجازعرف ججی اوراسکے ساتھی کیخلاف قتل کے الزام میں مقدمہ درج کرلیا۔قہ بیگم کوٹ میں کار سوار مسلح افراد نے فائرنگ کر کے نوجوان محمد عمران گجر کو بھرے بازار میں ہلاک کردیا حملہ آور فرار ہوگئے۔ شاہدرہ پولیس نے مقدمہ درج کرلیا۔ ویلکم گیٹ بائی پاس سے ملنے والی نامعلوم شخص کی حادثہ کاشکار نعش قتل کا معمہ نکلا، مقدمہ مدعی محمد صادق کے مطابق اس کی بھابھی عابدہ بی بی نے آشنا سے ملکر میرئے بھائی راشد کو چلتی ہوئی گاڑی سے دھکا دے کر ویلکم گیٹ ننکانہ بائی پاس کے قریب پھینک دیا جس کوچوٹیں آنے کی وجہ سے موت واقعہ ہوئی۔ ملزمہ عابدہ بی بی نے پہلے بھی میرئے بھائی کیخلاف ناک کی ہڈی تشدد کرکے توڑنے کاالزام لگا کرمقدمہ درج کروا کر صلح کیلئے پانچ مرلہ جگہ لے لی تھی۔ مقدمہ مدعی کی تحریری درخواست پر پولیس نے عابد،بلال اورعابدہ بی بی دختر محمد اشرف کے خلاف قتل کا مقدمہ درج کرکے کارروائی شروع کردی ہے۔