تلہ گنگ (نامہ نگار ) مسلم لیگ ق تلہ گنگ کے رہنما حاجی عمر حبیب نے کہا ہے کہ ایم این اے چوہدری سالک حسین اور صوبائی وزیر حافظ عمار یاسر کی گرانٹ سے یونین کونسل کوٹ گلہ شریف ،یونین کونسل جھاٹلہ ،یونین کونسل بڈھیال اور یونین کونسل تھوہا محرم خان کے علاقوں میں سڑکیں بنائی جائیں گی۔ یہ منصوبے پاک پی ڈبلیو ڈی کے ذریعے تعمیر ہوں گے۔  انہوں نے نوائے وقت کو بتایا کہ کوٹ گلہ شریف  سے چکی ،لاڑیاں صادق آباد کی سڑک کے لئے ساڑھے چار کروڑروپے مختص کئے ہیں یونین کونسل جھاٹلہ ڈھوک ڈورہ تک اور وہاں سے ڈھوک کھلان تک سڑک کے لئے پچھتر لاکھ روپے اور یو سی بڈھیال میں سنگوالہ ڈھوک جنوال سڑک کے لئے ڈیڑھ کروڑ روپے اور یو سی تھوہا میں شہر تھوہا محرم خان سے ڈھوک سندرانہ ڈھوک جمیال تک تین کروڑ روپے سڑک کی تعمیر کے لئے رکھے گئے ہیں ان سڑکوں کی تعمیر کے ٹینڈر کال کر لئے گئے ہیں اگست میں تعمیر شروع ہو جائے گی ۔