آزاد کشمیر میں ہونے والے عام انتخابات کے سلسلے میں راولپنڈی میں مہاجرین کشمیر کی 3 نشستوں پر کل (اتوار کو) انتخاب لڑا جائے گا، انتخابی سامان کی ترسیل مکمل کر لی گئی۔ریٹرننگ افسر شاہین غزل کے مطابق انتخابی سامان کی ترسیل کیلئے سیکیورٹی کے سخت انتظامات کئے گئے تھے۔انہوں نے بتایا کہ ہر پولنگ اسٹیشن کے سامان کے لیے الگ الگ سیکیورٹی انتظامات کیئے گئے تھے، الیکشن کے عملے کی تعیناتی ہو چکی ہے۔ریٹرننگ افسر نے مزید بتایا کہ پریزائڈنگ افسران کو سامان دیا ہے، ان سے ریسیونگ بھی لی ہے۔شاہین غزل نے مزید کہا کہ سیکیورٹی اسٹاف اور پولنگ کے عملے کو ان کی ذمے داریوں کے حوالے سے بریفنگ بھی دی گئی ہے۔