حمزہ شہباز کا وزیراعلیٰ منتخب ہونا عوام کی دعائوںکا نتیجہ ہے:حماد بٹو ڈار

قلعہ دیدارسنگھ(نامہ نگار)سینئر رہنماء مسلم لیگ(ن )حماد بٹو ڈار نے کہا ہے کہ میاں حمزہ شہباز شریف عوامی امنگوں کے ترجمان ہیں ان کا وزیراعلی پنجاب منتخب ہونا عوام کی دعائوںکا نتیجہ ہے'ان خیالات کااظہار انہوں نے گزشتہ شب قلعہ دیدارسنگھ میں میاں حمزہ شہباز شریف کے وزیراعلی پنجاب منتخب ہونے کے موقع پر کارکنان سے دوران گفتگو کیا۔اس موقع پر رانا رفاقت علی رانا تنویر احمد،خرم شہزاد ورک،محمد صفدر،نبیل احمد،بلال بٹ خاں،زاہد ودیگر کارکنان  نے بھی قائد حمزہ شہباز شریف کو وزیراعلیٰ پنجاب بننے پر مبارکباد دیتے ہوئے امید ظاہر کہ کہ بہت جلد پنجاب کی تعمیر وترقی کا پھر سے آغاز ہوگا'انہوںنے کہاکہ عمران خان انتشار پھیلارہے ہیں،اب انکا مقابلہ نئی مسلم لیگ سے ہے، ہمیں مجبور کیا جا رہا ہے کہ ہم بھی عمران خان کی زبان میں بات کریں،انہوں نے کہان لیگ کو متعدد بار سیاسی طور پر نشانہ بنایا گیا۔ انہوں نے کہاکہ چوہدری شجاعت حسین پارٹی کے صدر ہیں انکے جاری کئے گئے ٹکٹ پر ایم پی ایز نے الیکشن لڑا،جب تک چوہدری شجاعت حسین عمران خان کیساتھ تھے تو سب ٹھیک تھا آج علیحدہ ہوئے تو غلط ہوگیا،25لوگ اسی فیصلے کی وجہ سے نااہل ہوئے۔