لاہور(خصوصی نامہ نگار)تحریک لبیک یارسول اللہ کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہا کہ سیدنا عثمان غنی ؓ  جنتی اور امت مسلمہ کی عقیدتوں کا مرکز ہیں۔ آپؓ کے بارے میں میلی سوچ رکھنے والا بڑا بد نصیب ہے۔ آپؓ کی دولت نے اسلام کی ترویج کے لیے و اشاعت میں بنیادی کردار ادا کیا۔ حضرت عثمان غنیؓ خلیفہ راشد اور رشدوہدایت کا منبع ہیں۔آپ کی سیرت وصورت صداقت ِ اسلام کی برہان ہے۔