کشمیر پریمیئر لیگ‘ لیجنڈری وسیم اکرم میرپور رائلز کے مینٹور مقرر

لاہور(سپورٹس رپورٹر)پاکستان کرکٹ ٹیم کے سابق کپتان لیجنڈری وسیم اکرم کشمیر پریمیئر لیگ کے دوسرے ایڈیشن کیلئے بطور مینٹور میرپور رائلز سے منسلک ہو گئے۔ انگلینڈ سے ویڈیو پیغام میں وسیم اکرم نے کہا۔ بہت سارے دوست میرپور سے تعلق رکھتے ہیں تبھی اس فرنچائز کو جوائن کیا۔ ٹیم کیساتھ ڈگ آؤٹ میں بیٹھنے کیلئے بے قرار ہوں۔ کھلاڑیوں کیساتھ اپنا تجربہ شیئر کروں گا۔ لیگ میں شاہدآفریدی، سرفراز احمد جیسے بڑے کھلاڑی شامل ہیں، ہماری ٹیم میں بھی شعیب ملک جیسا سینئر کرکٹر موجود ہے۔ امید ہے ہماری ٹیم اچھا پرفارم کرے گی۔ شائقین میرپور رائلز کو بھرپور سپورٹ کریں۔میرپور رائلز کے چیئرمین عبدالواجد اور سی ای او نجیب اللہ نے وسیم اکرم کے میرپور رائلز کی فیملی کا حصہ بننے پر خوشی کا اظہار کیا۔ پیغام میں کہا وسیم اکرم جیسے لیجنڈری کرکٹر کی سربراہی میں میرپور کی ٹیم کامیابیوں کے جھنڈے گاڑے گی۔