حافظ آباد(نمائندہ خصوصی+ نامہ نگار)  حافظ آباد اور اسکے مضافاتی علاقوں میں بجلی کی غیر اعلانیہ لوڈ شیڈنگ کے ساتھ ساتھ گیس کی بندش کا دورانیہ بھی بڑھا دیا گیا جس سے شہری پریشان ہوکر رہ گئے۔ تفصیلات کے مطابق حافظ آباد میں جہاں ایک طرف دن اور رات کے دوران ایک بار پھر کئی کئی گھنٹے بجلی کی غیر اعلانیہ لوڈشیڈنگ کی جارہی ہے وہاںپر گیس کی بندش کا دورانیہ 16سے 18گھنٹے کردیا گیا ہے جس سے لوگوںکے گھروںکے چولہے ٹھنڈے ہوکر رہ گئے ہیں جبکہ بجلی کی طویل بندش سے بھی کاروبارشدید متاثر ہورہے ہیں ۔