راولپنڈی(جنرل رپورٹر) راولپنڈی میں گزشتہ روز ہونے والی موسلا دھار بارش کے باعث ضلع کچہری اور تحصیل آفس کے احاطہ میں پانی کھڑا ہوگیا،وکلاء اور سائلین کو شدید مشکلات کا سامنا کرنا پڑا،گزشتہ روز دن کے اوقات میں وقفے وقفے سے ہونے والی موسلا دھار بارش نے جل تھل کر دیا ، ضلع کچہری اور تحصیل آفس کے احاطہ میں بھی بارش کا پانی کھڑا ہو گیا، خواتین اور بچے میں مشکل میں پڑے رہے، کچہری آنے والے شہری وکلاء کے چیمبروں کے باہر اور برآمدوں میں رک کربارش رکنے کا انتظار کرتے رہے ، کچہری کے داخلی راستوں پر بارش ی وجہ سے سیکورٹی اہلکارروں کو بھی مسائل کا سامنا کرنا پرا، تحصیل آفس کے احاطہ میں پانی کھڑا ہونے سے سائلین اور عملہ پریشانی میں مبتلا ہو گئے۔
