14 ماہ کی حکومت پل صراط سے کم نہیں ، شیر کامیاب ہوا تو ملک بحرانوں سے نکلے گا : رانا ثنا 

فیصل آباد (نمائندہ خصوصی) وزیر داخلہ رانا ثناءاللہ نے کہا ہے نواز شریف نے ایٹمی دھماکے کر کے ملک کو ایٹمی قوت بنایا لیکن نواز شریف کو ایک سازش کے ذریعے نااہل کیا گیا اور فتنے کو مسلط کر دیا گیا۔ نواز شریف نے اس ملک کو ترقی کی راہ پر لگایا، لوڈ شیڈنگ کا خاتمہ کیا، ملک کو ایٹمی قوت بنایا لیکن انہیں ایک سازش کے ذریعے نااہل کر دیا گیا۔ ہماری 14 ماہ کی حکومت کسی پل صراط سے کم نہ تھی لیکن شہباز شریف نے اس دوران ملک کو تباہی سے بچایا۔ ملک کو بحران سے نکالنا ہے تو پھر مسلم لیگ (ن) کی قیادت پر یقین رکھنا ہے، شیر کامیاب ہو گا تو پاکستان بحرانوں سے نکلے گا۔ فیصل آباد میں تقریب سے خطاب کرتے ہوئے رانا ثناءاللہ نے کہا ہے کہ وزیر اعظم یہاں 2 منصوبوں کے افتتاح کیلئے تشریف لائے ہیں۔ ان دو منصوبوں کی لاگت 10 ارب روپے ہے۔ 1997ءاور 1998ءمیں شہباز شریف کو وزیر اعلیٰ پنجاب منتخب کیا گیا، شہباز شریف نے اپنے آپ کو خادم پنجاب بنانے میں خدمت سمجھی، ستیانہ روڈ فیصل آباد کو لاہور ملتان موٹروے سے لنک کرے گا۔ وزیر داخلہ رانا ثناءاللہ نے کہا ہے کہ شہباز شریف نے فیصل آباد سے محبت کی ہے۔ کوئی ایک کام بھی ایسا نہیں جو گزشتہ 4 سال میں ہوا ہو، گورنمنٹ کالج یونیورسٹی، مدینہ یونیورسٹی، پنجاب میڈیکل کالج یونیورسٹی شہباز شریف نے فیصل آباد کو دی ہیں۔ ڈی ایچ کیو کو دوگناہ کیا گیا۔ سمن آباد ہسپتال، پیپلز کالونی ہسپتال، چلڈرن ہسپتال شہباز شریف کا فیصل آباد کو تحفہ ہیں۔ انہوں نے مزید کہا کہ فیصل آباد سے ان میگا پراجیکٹس کو نکال دیں تو پھر بچتا کیا ہے؟، نواز شریف نے مسلم لیگ کو ایک عام آدمی کی جماعت بنایا، خدمت کا تصور شہباز شریف نے کر کے دکھایا، ملک میں بجلی کے کارخانے لگائے گئے، چائنیز نے شہباز شریف کو شہباز سپیڈ کا نام دیا۔ سیاست اور خدمت کا امتزاج پاکستان مسلم لیگ (ن) کے پاس ہے۔ ہمارے خلاف سازش ہوئی۔ رانا ثناءاللہ نے کہا ہے کہ سازش کے نتیجے میں نواز شریف کو نااہل کیا گیا، 2018 کا الیکشن چرایا گیا، ملک میں فتنے کو مسلط کیا گیا۔ گزشتہ 4 سال میں کوئی ایک ترقیاتی کام نہیں کیا، منصوبوں سے ہمارے نام کی تختی اتار کر اپنے نام کی تختی لگائی گئی۔ پوری قوم سوچ رہی تھی بھارت ایٹمی طاقت بن گیا ہے، پوری دنیا اور امریکا کا صدر پانچ پانچ فون کر رہا تھا خبردار آپ نے ایٹمی دھماکے کیے۔ وزیر داخلہ رانا ثناءاللہ نے مزید کہا ہے کہ نواز شریف نے امریکا کے پانچ ٹیلی فونز کے جواب میں 6 اٹیمی دھماکے کیے۔ اب یہ کہتے ہیں ہمارے ساتھ زیادتی ہو رہی ہے، تم نے شہداءکی یادگاروں کی بے حرمتی کی ہے، ایک آدمی قوم کے دفاع پر حملہ آور ہوا، اب کہتے ہیں میں نے الیکشن لڑنا ہے میرے خلاف کوئی کیس نہ بنایا جائے، جو انہوں نے گناہ کیا ہے اس کی سزا ان کو ملے گی۔ مولانا فضل الرحمنٰ کا ہمیشہ نواز شریف کے ساتھ رہا ہے۔ فضل الرحمنٰ نے ہر مشکل وقت میں پاکستان کی بہتری کیلئے ن لیگ کا ساتھ دیا۔
رانا ثنائ