لاہور (سپورٹس رپورٹر)اس سال چین میں ہونیوالے 19 ویں ایشین گیمز میں پاکستان کے 222 کھلاڑیوں کی انٹری کنفرم کر دی گئی ہے۔پاکستان اولمپک ایسوسی ایشن کے ذرائع کے مطابق 19 ویں ایشین گیمز کے لیے مختلف کھیلوں میں پاکستان کے 287 پلیئرز و آفیشلز کی انٹری کنفرم کی گئی ہے، دستے میں 222 کھلاڑی اور ان کھیلوں کے 65 آفیشلز شامل ہوں گے، کھلاڑیوں میں 161 مرد کھلاڑی اور 62 خواتین شامل ہیں۔ذرائع کا کہنا ہے کہ فنڈز کی کمی کی وجہ سے بیس بال اور جمناسٹک میں پاکستان شرکت نہیں کرے گا، پاکستان سپورٹس بورڈ نے دونوں کھیلوں کو ایشین گیمز کیلئے اخراجات دینے سے منع کر دیا تھا جبکہ فٹبال اور ایکیوسٹریئن میں بروقت انٹری نہ بھیجنے کی وجہ سے پاکستان شریک نہیں ہوگا۔