سکردو، پہاڑی تودہ گرنے سے ایک خاندان کے 4،سوات : 2افراد جاں بحق

سکردو + سوات (آئی این پی + این این آئی) جگلوٹ سکردو روڈ پر پہاڑی تودہ کار پر آ گرا جس کے نتیجے میں 4 افراد جاں بحق ہو گئے۔  پولیس کے مطابق جگلوٹ سکردو روڈ پر شنگوس کے مقام پر پہاڑی تودہ کار پر گرنے سے  4 افراد جاں بحق اور ایک زخمی ہوا ہے ۔ ایس ایس پی سکردوکے مطابق جاں بحق ہونے والوں میں 3 خواتین اور ایک بچہ شامل ہے ، جاں بحق افراد کا تعلق ایک ہی خاندان سے ہے ۔  پولیس کی جانب سے لاشوں اورزخمیوں کو ہسپتال منتقل کردیا گیا ہے ۔سوات میں بحرین کے علاقے مدین میں گھر پر پہاڑی تودہ گرنے سے 2 افراد جاں بحق ہو گئے۔ریسکیو ذرائع کے مطابق ملبے تلے دبے 3 افراد کو زخمی حالت میں نکال لیا گیا جنہیں طبی امداد کیلئے ہسپتال منتقل کر دیا گیا ۔