لاہور(سپورٹس رپورٹر) سپورٹس بورڈ پنجاب کے زیر اہتمام ایشین پیسفک افریقن کمبائنڈ پاور لفٹنگ چیمپئن شپ میں گولڈ میڈلز حاصل کرنیوالی 3بہنوں ٹوئنکل سہیل، سیبل سہیل اور ویرونیکاسہیل کے اعزاز میں تقریب کا انعقاد کیا گیا ۔ سیکرٹری سپورٹس پنجاب مظفرخان سیال اور ڈائریکٹرجنرل سپورٹس پنجاب پرویز اقبال نے خصوصی شرکت کی۔سہیل سسٹرز کے والد بھی موجود تھے۔ مظفرخان سیال اورپرویز اقبال نے کہاکہ گولڈ میڈلز حاصل کرکے ملک کا نام روشن کیا ہے، خواتین کھلاڑیوں اور سپورٹس بورڈ پنجاب کو مبارکباد دیتا ہوں۔ سہیل سسٹر ز ٹوئنکل سہیل، سیبل سہیل اور ویرونیکاسہیل نے کہا کہ جس طرح ہمارا ستقبال کیا خوشی ہوئی ہے،مستقبل میں بھی میڈلز جیت کر ملک کا نام روشن کرتے رہیں گے۔ ویرونیکاسہیل نے کہا کہ میں اپنا میڈل وزیراعلیٰ پنجاب کے نام کرتی ہوںجبکہ سیبل سہیل نے اپنا گولڈ میڈل وزیراعظم کے نام کردیا ۔