نارنگ منڈی: سٹیشن کے قریب ریلوے ٹریک پر گندگی کے ڈھیر  

نارنگ منڈی (نمائندہ نوائے وقت) لاہور نارووال سیکشن نارنگ ریلوے سٹیشن کے قریب اور  ریلوے ٹریک پر گندگی کے ڈھیر لگ گئے بدبو سے سانس لینامشکل ہو گیا ۔ بھینسیں اور بکریاں یہ پھل اور سبزیاں کھانے کیلئے ٹریک پرآجاتی ہیں جس سے ٹرین حادثات کا خدشہ ہے نوٹس لیاجائے تفصیل کے مطابق لاہور نارووال سیکشن پر نارنگ ریلوے سٹیشن کے قریب واقع سبزی وفروٹ منڈی کے دکاندارگلی سڑی سبزیاں پھل باقیات سمیت ریلوے ٹریک اور سٹیشن کے قریب پھینک دیتے ہیں جس سے گائے بھینس اور بکریاں انہیں کھانے کیلئے سارا دن ریلوے ٹریک پر موجود رہتی ہیں اور ٹرین حادثہ کا باعث بنتی ہیں ۔ اہل علاقہ نے احتجاج کرتے اعلیٰ حکام سے نوٹس لینے کامطالبہ کیاہے ۔ سٹیشن ماسٹر کا کہنا ہے بارہادفعہ دکانداروں کو کہا ہے مگر باز نہیں آتے جو خلاف ورزی کریگا ہم قانونی چارہ جوئی کریں گے ۔