اسلام آباد(خبر نگار )امیدوار برائے چیئرمین پی ای سی انجینئرسید اشفاق شاہ کا  انجینئر اظہر الاسلام، انجینئر عمران چیمہ، انجینئر سردار خان  اور  یونائیٹڈ انجینئرز پاکستان (یو ای پی) کی ٹیم کے ہمراہ  مردان اور اوکاڑہ کی انجنئیرنگ یونیورسٹیز کا دورہ۔اس موقع پر طلباء￿  اور فیکلٹی ممبران سے ملاقات کی،اپنے پینل کا منشور کیا  اور انجنئیرنگ شعبے کو درپیش مسائل اور ان کے حل کیلئے سیر حاصل گفتگو کی گئی۔اس موقع پر انجنئیر سید اشفاق شاہ نے کہا کہ انجینئرنگ کمیونٹی کیلئے روشن مستقبل حاصل کرنا ہماری ترجیح ہے،ہم نے مستقبل میں انجنئیرز کا ملکی معاشی ترقی میں کردار بڑھانا ہے۔ہمارے  دورے کا مقصد اپنے پینل کا جامع ایجنڈا پیش کرنا اور انجنئیرنگ شعبے سے متعلق اہم مسائل کو حل کرنے کے لیے مکمل تعاون کا یقین دلانا ہے۔