فتح جنگ(نامہ نگار)علامہ شاہد نذیر ہزاروی نے کہا ہے کہ واقعہ کربلا در اصل صبرو استقلال اور حق پر ڈٹ جانے کا درس دیتا ہے ان خیالات کا اظہار انھوں نے مرکزی تنظیم علمائے اہل سنت یونین کونسل جھنگ باہتر کے زیر اہتمام مرکزی جامع مسجد کریماں میں شہدائے کربلا کانفرنس سے خطاب کرتے ہوئے کیا کانفرنس سے علامہ شہزاد احمد ہزاروی،حافظ محمد ارشاد الحق نوری،قاضی قمر الاسلام اویسی حافظ ریاض الحق اویسی،قاری طارق محمود مدنی،علامہ کوکب غفور عثمانی،علامہ شیر زمان رضوی سمیت تنظیم علمائے اہل سنت کے عہدیداروں نے بھی خطاب کیا،نقابت کے فرائض معروف نعت خوان اور نقیب ملک مظہر نواز عطاری نے سرانجام دئیے مقررین نے کہا کہ آج ضرورت اس امر کی ہے کہ کردار افکار حسینی پر عمل کیا جائے۔