مری(بیورو رپورٹ)الخدمت فانڈیشن کے ادارے آغوش کالج مری میں سید وقاص جعفری سیکرٹری جنرل الخدمت فانڈیشن اور ڈاکٹر احمد جبران بلوچ نیشنل ڈائیریکٹر ایجوکیشن الخدمت فانڈیشن نے آغوش کالج مری میں جاری اجلاس میں شرکت کی اجلاس میں پرنسپل آغوش محمد آعظم، حامد اطہر صدر الخدمت فانڈیشن اسلام آباد اور محمد عمران خان پرنسپل دار ارقم اسکولز اسلام آبادبھی موجود تھے،مہمانان نے پرنسپل آفس میں غیر رسمی ملاقات کی اور بچوں کی تعلیم و تربیت اور مستقبل میں انکی اعلی تعلیم کے امور پر تبادلہ خیال کیا،سید وقاص جعفری نے کہا کہ آغوش کالج مری اپنی نوعیت کا ایک بہترین اقامتی ادارہ ہے جہاں بچوں کو نا صرف معیاری تعلیم و تربیت دی جاتی ہے بلکہ بہترین رہائش اور کھیلوں کی تربیت بھی دی جاتی ہے۔پرنسپل آغوش محمد آعظم نے غیر رسمی ملاقات میں آغوش کالج کے طلبا کی تعلیمی پیشہ ورانہ کامیابیوں کا ذکر کیا۔سید وقاص جعفری نے محترم پرنسپل کو اپنی کتب بھی بطور تحفہ پیش کیں۔