پیر کرم شاہ الازہری جیسے لوگ قوموں کا اجتماعی سرمایہ ہوتے ، اشفاق ہاشمی

فتح جنگ(نامہ نگار)دربار عالیہ پیر سید احمد شاہ ہمدانی سیالوی میں سجادہ نشین پیر سید محمد قاسم شاہ ہمدانی سیالوی کے زیر سرپرستی ضیا الامت سمینار کا انعقاد کیا گیا الکرم فرینڈ کے مرکزی صدر علامہ مولانا قاضی محمد اشفاق ہاشمی علامہ مولانا مفتی ضیا المصطفیٰ، علامہ ممتاز صابری اور علامہ محمد نذیر اعوان نے سمینار میں خطاب کیا ،علامہ مولانا قاضی محمد اشفاق ہاشمی نے کہا کہ ضیا الامت حضرت پیرمحمد کرم شاہ الازہری کا شمار عالم اسلام کی ان برگزیدہ ہستیوں میں ہوتا ہے جن کے حصول میں تاریخ کو صدیوں انتظار کرنا پڑتا ہے پیر کرم شاہ کی شخصیت ایک ہیرے کی مانند ہے آپ ان کو جس طرف سے بھی دیکھیں گے ان کی چمک میں کوئی کمی نہیں آئے گی پیر صاحب کی دینی و ملی اورسیاسی و سماجی خدمات ناقابل فراموش ہیں، ان جیسے لوگ قوموں کا اجتماعی سرمایہ ہوتے ہیں دارالعلوم پیر سید احمد شاہ ہمدانی کے پرنسپل پیر سید محمد قاسم شاہ ہمدانی نے  کہا کہ زندگی بامقصد طریقے سے گزارنی چاہیے بے مقصد زندگی گزرانے والے کا کوئی نام لینے والا بھی نہیں ہوتا حضرت ضیا الامت جسٹس پیر کرم شاہ ایک تاریخ ساز شخصیت تھے۔