کلر سیداں(نامہ نگار)کلر سیداں میں تین مسلح ملزمان نے اسلحہ کی نوک پر دو نوجوانوں سے ہزاروں روپے کی نقدی اور موبائل فونز چھین لئے۔صارم علی سکنہ محلہ غوثیہ کلر سیداں نے مقدمہ درج کروایا کہ میں اپنے دوست انعام ساجد کے ہمراہ گزشتہ رات دس بجے کے قریب والی بال گراؤنڈ میں موجود تھا کہ اسی دوران تین نقاب پوش نوجوان لڑکے جو آتشیں اسلحے سے مسلح تھے آ گئے اور انہوں نے ہم دونوں کو ہینڈز آپ کروا کر میرے دوست سے 2500روپے اور موبائل فون اور مجھ سے سات ہزار روپے،موبائل فون اور شناختی کارڈ چھین لیئے اور فرار ہو گئے ادھر چوری کی ایک اور واردات میں نامعلوم ملزمان گودام کے تالے توڑ کر اس میں موجود ایک عدد جنریٹر،فوٹو اسٹیٹ مشین کے پرزہ جات،ایک عدد ٹیبل،کرسیاں اور لوہے کی چادر چوری کر کے لے گئے ہیں,ظفر اقبال کی درخواست پر پولیس نے مقدمہ درج کر لیا گیا۔دریں اثناء پولیس نے زیر حراست ملزم کے قبضے سے مسروقہ موبائل فون برآمد کر کے اسے اس کے اصل مالک ماسٹر زاہد حسین کے حوالے کر دیا۔